يىللارغا جاۋاپ

يىللارغا جاۋاپ

_ ﻟﯘﺗﭙﯘﻟﻼ ﻣﯘﺗﻪﻟﻠﯩﭗ

ۋاقىت ئالدىراڭغۇ ساقلاپ تۇرمايدۇ،

يىللار ۋاقىتنىڭ ئەڭ چوڭ يورغىسى.

ئاققان سۇلار، ئاتقان تاڭلار قايتىلانمايدۇ،

يورغا يىللار ئۆمۈرنىڭ يامان ئوغرىسى.

ئوغرىلاپلا قاچىدۇ ئارقىغا يانماي،

بىر-بىرىنى قوغلىشىپ، يورغىلىشىپ.

ياشلىق بېغىدا بۇلبۇللار قانات قاقماي،

يوپۇرماقلار قۇيۇلىدۇ پورلىشىپ.

ياشلىق ئادەمنىڭ زىلۋا بىر چېغى،

تولىمۇ قىسقا ئۇنىڭ ئۆمرى بىراق،

يىرتىلسا كالىندارنىڭ بىر ۋارىقى،

ياشلىق گۈلىدىن تۆكۈلىدۇ بىر تال يۇپۇرماق.

يىللار شامىلى يەلپۈنىدۇ، ئىزلار كۆمۈلىدۇ،

يوپۇرماقسىز دەرەخ بىچارە-بولىدۇ قاخشال.

يىللار سېخى قۇرۇق كەلمەيدۇ ئەكىلىپ بېرىدۇ،

قىزلارغا قورۇق، ئەرلەرگە ساقال.

بىراق يىللارنى تىللاش توغرا كەلمەيدۇ،

مەيلى ئۆتىۋەرسۇن، ئۆزىنىڭ يولى.

ئادەملەرمۇ ۋاقىتنى قولدىن بەرمەيدۇ،

چۆللەرنى بوستان قىلغان ئادەملەر قولى.

يىللارنىڭ قوينى كەڭ، پۇرسىتى نۇرغۇن،

تاغدەك ئىشلار يىللار بىلەن ئۆرە تۇرىدۇ.

قاراپ باق ئاخشامقى بوۋاق كىچىككىنە تۇرسۇن،

تۈنۈگۈن ئۆمىلەپ، ھە… بۈگۈن مېڭىپ يۈرىدۇ.

كۆرەشچان بالىلار قوغلىشىپ يىللار،

كۆرەش نەۋرىلىرىنى چوقۇم تاپىدۇ.

ئاخشام بەخىت ئۈچۈن قۇربان بولغانلار،

قەبرىسىنى يادلاپ گۈللەر ياپىدۇ.

مەيلى ساقال سوۋغا قىلسا قىلسۇن يىللار،

مەنمۇ تاۋلىنىمەن يىللار قوينىدا.

ئىجادىم شېئىرىمنىڭ ئىز تامغىسى بار،

ئالدىمدىن قېچىپ ئۆتكەن ھەر يىل بوينىدا

قېرىماسمەن كۆرەشنىڭ كەسكىن چېغىدا،

شېئىرىم يۇلتۇز بولۇپ يانار ئالدىمدا.

ئۆلۈم پەستە قېلىش كۆرەشنىڭ داۋانلىق تېغىدا،

چىدام غەيرەتنىڭ يەڭگىنى ھەريان يادىمدا.

ئېسىلارمەن مىلتىق ئېتىپ تاۋلانغان قولغا،

يېپىشارمەن بايراق بىلەن ئالغا ئاتلىغان يولغا.

كۈرەش باياۋانىدا ھارماسمەن ئەسلا،

يېڭىش بىلەن كېلىپ چىقىمىز كەڭ غالىب يولغا.

يىللار مەيدەڭنى تۇتۇپ قاقاقلاپ كۈلمە،

ئالدىڭدا قىزىرىشتىن ئارتۇق كۆرىمەن ئۆلۈمنى.

قېرىتىمەن دەپ ئارتۇق كۆڭۈل بۆلمە،

ئاخىرقى جەڭگە ئاتاپ قويارمەن ئوغلۇمنى.

يىللار دېڭىزى دولقۇنلۇق بولساڭمۇ،

ئۇپۇقلىرىڭنى يارىدۇ بىزنىڭ كاراپ.

يىلنىڭ ئۆتۈشى بىلەن قورقىتىپ باقساڭمۇ،

ئىجاد يىللارنى قېرىتىدۇ دەپ بېرىمىز جاۋاب.

Yillargha jawab..

Waqit aldirang'ghu saxlap turmaydu,

Yillar shu waqitning eng chong yorghisi,

Aqqan sular,atqan tanglar qaytilanmaydu,

Yorgha yillar omrining yaman oghrisi.

Oghurlapla qachidu arqigha yanmaydu,

Bibr birini qoghliship yorghiliship.

Yashliq beghida bulbullar qanaq qaqmay,

Yopurmaqlar qoyulidu polishi.

Yashliq ademning zilwa bir cheghi,

Tolimu qisqa uning omri biraq.

Yirtilsa kalindarning bir wariqi,

Yashliq gulidin tokilidu bir yopurmaq.

Yillar shamili yepunidu,izlar komilidu,

Yopurmaqsiz derex bichare bolidu qaxshal.

Yillar sexi quruq kelmeydu,ekilip beridu.

Qizlargha qoruq,erlerge saqal.

Biraq yillarni tillash toghra kelmeydu,

Meyli otiwersun ozining yoli.

Ademlermu waqitni qoldin bermeydu,

Chollerni bostan qilghan ademler qoli.

Yillarning qoyni keng,pursiti nurghun,

Taghdek ishlar yillar bilen ore turudu.

Qarap baq axshamqi bowaq kichikkine tursun,

Tonugun omilep he!.. bugun mengip yuruydu.

Koreshchan balilar qoghliship yillar,

Koresh newrilirini choqum tapidu.

Axsham bexit uchun qurban bolghanlar,

Qebrisini yadlap guller yapidu.

Meyli saqal sogha qilsa qilsun yillar,

Menmu tawlinimen yillar qoynida.

Ijadim sherimning iz tamghisi bar,

aldimdin qechip otken her yil boynida.

Qerimasmen koreshning keskin cheghida,

Sherim yultuz bop yanar aldimda.

Olum peste qelish, koreshning dawanlirida,

Chidam gheyretning yeng'gisi herdem yadimda.

Esilarmen miltiq etip tawlan'ghan qolgha,

Yepisharmen bayraq bilen algha atlan'ghan yolgha.

Koresh bayawanida harmasmen esla,

Yengish bilen kelip chiqimiz keng ghalip yolgha.

Yillar meydengni tutup qaqaqlap kulme,

Aldingda qizirishtin artuq korimen olumni.

Qeritimen dep artuq kongul bolme,

Axirqi jeng'ge atap qoyarmen oghlumni.

Yillar dengizi dolqunluq bolsangmu,

Upuqliringni yaridu bizning karap.

Yilning otishi bilen qorqutup baqsangmu,

Ijad yillarni qeritidu dep berimiz jawab.

     

   1944-Yili Aqsu (L. Mutellip

مەنبەلەر