ھەسەن بەسرىي

ھەسەن ئەلبەسرىي
تۇغۇلۇش	ھ. 21 / م. 642، مەدىنە، خۇلەفائى راشىدىن دەۋرى
ۋاپاتى	ھ. 110 / م. 728، بەسرە، ئۇمەۋىي دەۋرى
مىللىتى	ئەرەب

ھەسەن بەسرىي (ئەرەبچە: الحسن البصري/الحَسَنُ بنُ أَبِي الحَسَنِ يَسَارٍ البَصْرِيُّ الأَنْصَارِيُّ) ئەلھەسەن ئىبنى يەسار ئەلبەسرىي ئەلئەنسارىي (ئەبۇ سەئىد). (ھىجرىيە 21 – 110 / مىلادىيە 642 – 728) كاتتا تابىئىن. يۈكسەك چوققىلاردىن بىر چوققا، چوڭ ئىماملاردىن بىر ئىمام، زامان نادىرلىرىدىن بىر نادىر، ئۆز زامانىسىدا قەلبلەرنى ھەيرەتتە قالدۇرغان، 13 ئەسىر ئۆتۈپمۇ ھالا قەلبلەرنى ھەيرەتتە قالدۇرۇۋاتقان بىر زات.

پەرھىزكار ۋە تەقۋالىقتا روشەن مۆجىزە، ئىلىمدا چەكسىز دېڭىز، پاساھەت ۋە باياندا يېگانە بىر چوققا، ئىسلامنىڭ پۈتۈن تارىخىدىكى ئەڭ بۈيۈك ئىسلام ۋائىزى، تابىئىنلار سەردارىدۇر. بەسرە مۇپتىسى بولغان ھەدىسشۇناس ئالىم.