ﺋﯩﺒﻨﻰ ﻫﻪﻳﺴﻪﻡ

ﺋﯩﺒﻨﻰ ﻫﻪﻳﺴﻪﻡ (965 _ 1039 - ﻳﯩﻠﻼﺭ). ﺋﯩﺒﻨﻰ ﺳﯩﻨﺎﻧﯩﯔ ﺯﺍﻣﺎﻧﺪﯨﺸﻰ ﺑﻮﻟﯘﭖ ، ﺋﯚﺯ ﺯﺍﻣﺎﻧﯩﺴﯩﻨﯩﯔ ﺋﻪﯓ ﺋﯘﻟﯘﻍ ﻓﯩﺰﯨﻜﺎ ﺋﺎﻟﯩﻤﻠﯩﺮﯨﻨﯩﯔ ﺑﯩﺮﻯ. ﺋﯘ ﻳﻮﺭﯗﻗﻠﯘﻕ ( ﺋﻮﭘﺘﯩﻜﺎ ) ﺋﯩﻠﻤﯩﻨﻰ ﺗﻪﺟﺮﯨﺒﻪ ﻗﯩﻠﯩﺶ ﺟﻪﻫﻪﺗﺘﻪ ﺗﯚﻫﭙﻪ ﻳﺎﺭﺍﺗﻘﺎﻥ. ﺋﯘ، ﻓﯩﺮﻣﺎﺕ ﺋﻪﯓ ﻗﯩﺴﻘﺎ ﯞﺍﻗﯩﺖ ﭘﺮﯨﻨﺴﯩﭙﯩﻨﻰ ﺑﺎﻳﻘﺎﺷﺘﯩﻦ ﺋﯩﻠﮕﯩﺮﯨﻼ " ﻧﯘﺭ ﻣﯘﻫﯩﺘﺘﯩﻦ ﺋﺎﺳﺎﻥ ﯞﻩ ﺗﯧﺰ ﻳﯧﺘﯩﺪﯨﻐﺎﻥ ﻣﯘﺳﺎﭘﻪ ﺋﺎﺭﻗﯩﻠﯩﻖ ﺋﯚﺗﯩﺪﯗ " ﺩﻩﭖ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ . ﺋﯘ ﺋﯩﻨﺮﯨﺘﺴﯩﻴﻪﻧﯩﯔ ﻣﻪﯞﺟﯘﺗﻠﯘﻗﯩﻨﻰ ﺑﯩﻠﮕﻪﻥ ، ﻛﯧﻴﯩﻦ ﻧﻴﻮﺗﯘﻥ ﻧﻪﺯﻩﺭﯨﻴﻪ ﺟﻪﻫﻪﺗﺘﯩﻦ ﺋﯩﺴﭙﺎﺗﻼﭖ ، ﺋﯚﺯﯨﻨﯩﯔ ﺑﯩﺮﯨﻨﭽﻰ ﻫﻪﺭﯨﻜﻪﺕ ﻗﺎﻧﯘﻧﯩﻴﯩﺘﯩﻨﻰ ﺗﯩﻜﻠﯩﮕﻪﻥ. ﺋﯩﺒﻨﻰ ﻫﻪﻳﺴﻪﻡ ﻳﻪﻧﻪ ﻣﯧﺨﺎﻧﯩﻜﺎ ﺋﺎﺗﺎﻟﻐﯘﻟﯩﺮﻯ ﺋﺎﺭﻗﯩﻠﯩﻖ ﻧﯘﺭﻧﯩﯔ ﺳﯘﻧﯘﺵ ﺟﻪﺭﻳﺎﻧﯩﻨﻰ ﺑﺎﻳﺎﻥ ﻗﯩﻠﻐﺎﻥ. ﻧﯘﺭ ﺋﯩﻜﻜﻰ ﻣﯘﻫﯩﺘﻨﯩﯔ ﭼﯧﮕﺮﺍ ﻳﯜﺯﻟﯩﺮﯨﺪﯨﻦ ﺋﯚﺗﻜﻪﻧﺪﻩ ﻧﯘﺭ ﺯﻩﺭﺭﯨﭽﯩﻠﯩﺮﯨﻨﯩﯔ ﻫﻪﺭﯨﻜﯩﺘﻰ ﻛﯜﭼﻠﻪﺭﻧﯩﯔ ﺗﯩﻜﺘﯚﺗﺒﯘﻟﯘﯓ ﻗﺎﺋﯩﺪﯨﺴﯩﮕﻪ ﺑﻮﻳﺴﯘﻧﯩﺪﯨﻐﺎﻧﻠﯩﻘﯩﻨﻰ ﺋﯩﺴﭙﺎﺗﻠﯩﻐﺎﻥ. ﺋﯘ ﻳﻪﻧﻪ ﻧﯘﺭﻧﯩﯔ ﺗﯜﺯ ﺳﯩﺰﯨﻖ ﺑﻮﻳﯩﭽﻪ ﺗﺎﺭﻗﯩﻠﯩﺪﯨﻐﺎﻧﻠﯩﻘﯩﻨﯩﻤﯘ ﺋﯩﺴﭙﺎﺗﻠﯩﻐﺎﻥ .

ﺋﯩﺒﻨﻰ ﻫﻪﻳﺴﻪﻡ ﻫﺎﻳﺎﺗﯩﺪﺍ ﻧﯘﺭﻏﯘﻥ ﺋﻪﺳﻪﺭﻟﻪﺭﻧﻰ ﻳﺎﺯﻏﺎﻥ ﺑﻮﻟﯘﭖ ، ﺋﻪﯓ ﻣﯘﻫﯩﻤﻰ << ﺋﻮﭘﺘﯩﻜﺎ ﻫﻪﻗﻘﯩﺪﻩ >> ﺩﯦﮕﻪﻥ ﻛﯩﺘﺎﺑﺘﯘﺭ . ﺑﯘ ﻛﯩﺘﺎﺏ ﻛﯩﭙﻠﯩﺮ ﺑﯩﻠﻪﻥ ﻧﻴﻮﺗﯘﻧﻨﯩﯔ ﺋﻮﭘﺘﯩﻜﺎ ﺗﻪﺗﻘﯩﻘﺎﺗﯩﻐﺎ ﻣﯘﺋﻪﻳﻴﻪﻥ ﺗﻪﺳﯩﺮﻟﻪﺭﻧﻰ ﻛﯚﺭﺳﻪﺗﻜﻪﻥ .