ﺩﯙﻟﻪﺗﻨﻰ ﭘﺎﺭﭼﯩﻼﺷﻘﺎ ﻗﺎﺭﺷﻰ ﺗﯘﺭﯗﺵ ﻗﺎﻧﯘﻧﻰ

ﺩﯙﻟﻪﺗﻨﻰ ﭘﺎﺭﭼﯩﻼﺷﻘﺎ ﻗﺎﺭﺷﻰ ﺗﯘﺭﯗﺵ ﻗﺎﻧﯘﻧﻰ

ﺟﯘﯕﺨﯘﺍ ﺧﻪﻟﻖ ﺟﯘﻣﮭﯘﺭﯨﻴﯩﺘﻰ ﺭﻩﺋﯩﺴﯩﻨﯩﯔ ﭘﻪﺭﻣﺎﻧﻰ ( 34 - ﻧﻮﻣﯘﺭﻟﯘﻕ )

ﺩﯙﻟﻪﺗﻨﻰ ﭘﺎﺭﭼﯩﻼﺷﻘﺎ ﻗﺎﺭﺷﻰ ﺗﯘﺭﯗﺵ ﻗﺎﻧﯘﻧﻰ 2005 - ﻳﯩﻞ 3 - ﺋﺎﻳﻨﯩﯔ 14 - ﻛﯜﻧﻰ ﺟﯘﯕﺨﯘﺍ ﺧﻪﻟﻖ ﺟﯘﻣﮭﯘﺭﯨﻴﯩﺘﻰ 10 - ﻧﯚﯞﻩﺗﻠﯩﻚ ﻣﻪﻣﻠﯩﻜﻪﺗﻠﯩﻚ ﺧﻪﻟﻖ ﻗﯘﺭﯗﻟﺘﯩﻴﯩﻨﯩﯔ 3 - ﻳﯩﻐﯩﻨﯩﺪﺍ ﻣﺎﻗﯘﻟﻼﻧﺪﻯ . ﮬﺎﺯﯨﺮ ﺋﯧﻼﻥ ﻗﯩﻠﺪﯨﻢ ، ﺋﯧﻼﻥ ﻗﯩﻠﯩﻨﻐﺎﻥ ﻛﯜﻧﺪﯨﻦ ﺑﺎﺷﻼﭖ ﻳﻮﻟﻐﺎ ﻗﻮﻳﯘﻟﺴﯘﻥ . ﺟﯘﯕﺨﯘﺍ ﺧﻪﻟﻖ ﺟﯘﻣﮭﯘﺭﯨﻴﯩﺘﯩﻨﯩﯔ ﺭﻩﺋﯩﺴﻰ ﺧﯘ ﺟﯩﻨﺘﺎﯞ 2005 - ﻳﯩﻞ 3 - ﺋﺎﻳﻨﯩﯔ 14 - ﻛﯜﻧﻰ

1 - ﻣﺎﺩﺩﺍ . ﺑﯘ ﻗﺎﻧﯘﻥ << ﺗﻪﻳﯟﻩﻥ ﻣﯘﺳﺘﻪﻗﯩﻠﻠﯩﻘﻰ >> ﺑﯚﻟﮕﯜﻧﭽﻰ ﻛﯜﭼﻠﯩﺮﯨﻨﯩﯔ ﺩﯙﻟﻪﺗﻨﻰ ﭘﺎﺭﭼﯩﻠﯩﺸﯩﻐﺎ ﻗﺎﺭﺷﻰ ﺗﯘﺭﯗﺵ ﯞﻩ ﺋﯘﻧﻰ ﺗﻮﺳﯘﺵ ، ﯞﻩﺗﻪﻧﻨﯩﯔ ﺗﯩﻨﭻ ﺑﯩﺮﻟﯩﻜﻜﻪ ﻛﯧﻠﯩﺸﯩﻨﻰ ﺋﯩﻠﮕﯩﺮﻯ ﺳﯜﺭﯛﺵ ، ﺗﻪﻳﯟﻩﻥ ﺑﻮﻏﯘﺯﻯ ﺭﺍﻳﻮﻧﯩﻨﯩﯔ ﺗﯩﻨﭽﻠﯩﻘﻰ ﯞﻩ ﻣﯘﻗﯩﻤﻠﯩﻘﯩﻨﻰ ﺳﺎﻗﻼﺵ ، ﺩﯙﻟﻪﺗﻨﯩﯔ ﺋﯩﮕﯩﻠﯩﻚ ﮬﻮﻗﯘﻗﻰ ﯞﻩ ﺯﯦﻤﯩﻦ ﭘﯜﺗﯜﻧﻠﯜﻛﯩﻨﻰ ﻗﻮﻏﺪﺍﺵ ، ﺟﯘﯕﺨﯘﺍ ﻣﯩﻠﻠﻪﺗﻠﯩﺮﯨﻨﯩﯔ ﺗﯜﭖ ﻣﻪﻧﭙﻪﺋﻪﺗﯩﻨﻰ ﻗﻮﻏﺪﺍﺵ ﻣﻪﻗﺴﯩﺘﯩﺪﻩ ﺋﺎﺳﺎﺳﯩﻲ ﻗﺎﻧﯘﻧﻐﺎ ﺋﺎﺳﺎﺳﻪﻥ ﭼﯩﻘﯩﺮﯨﻠﺪﻯ .

2 - ﻣﺎﺩﺩﺍ . ﺩﯗﻧﻴﺎﺩﺍ ﺑﯩﺮﻻ ﺟﯘﯕﮕﻮ ﺑﺎﺭ . ﭼﻮﯓ ﻗﯘﺭﯗﻗﻠﯘﻕ ﺑﯩﻠﻪﻥ ﺗﻪﻳﯟﻩﻥ ﺟﯘﯕﮕﯘﻏﺎ ﺗﻪﯞﻩ . ﺟﯘﯕﮕﻮﻧﯩﯔ ﺋﯩﮕﯩﻠﯩﻚ ﮬﻮﻗﯘﻗﯩﻨﻰ ﯞﻩ ﺯﯦﻤﯩﻦ ﭘﯜﺗﯜﻧﻠﯜﻛﯩﻨﻰ ﻗﻮﻏﺪﺍﺵ ﺗﻪﻳﯟﻩﻧﻠﯩﻚ ﻗﯧﺮﯨﻨﺪﺍﺷﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﭘﯜﺗﯜﻥ ﺟﯘﯕﮕﻮ ﺧﻪﻟﻘﯩﻨﯩﯔ ﺋﻮﺭﺗﺎﻕ ﻣﻪﺟﺒﯘﺭﯨﻴﯩﺘﻰ . ﺗﻪﻳﯟﻩﻥ ﺟﯘﯕﮕﻮﻧﯩﯔ ﺑﯩﺮ ﻗﯩﺴﻤﻰ . ﺩﯙﻟﻪﺕ << ﺗﻪﻳﯟﻩﻥ ﻣﯘﺳﺘﻪﻗﯩﻠﻠﯩﻘﻰ >> ﺑﯚﻟﮕﯜﻧﭽﻰ ﻛﯜﭼﻠﯩﺮﯨﻨﯩﯔ ﺗﻪﻳﯟﻩﻧﻨﻰ ﮬﻪﺭ ﻗﺎﻧﺪﺍﻕ ﻧﺎﻡ ، ﮬﻪﺭ ﻗﺎﻧﺪﺍﻕ ﺋﯘﺳﯘﻝ ﺑﯩﻠﻪﻥ ﺟﯘﯕﮕﻮﺩﯨﻦ ﺑﯚﻟﯜﯞﯦﺘﯩﺸﯩﮕﻪ ﮬﻪﺭﮔﯩﺰ ﻳﻮﻝ ﻗﻮﻳﻤﺎﻳﺪﯗ .

3 - ﻣﺎﺩﺩﺍ . ﺗﻪﻳﯟﻩﻥ ﻣﻪﺳﯩﻠﯩﺴﻰ ﺟﯘﯕﮕﻮﺩﯨﻜﻰ ﺋﯩﭽﻜﻰ ﺋﯘﺭﯗﺷﺘﯩﻦ ﻗﯧﭙﻘﺎﻟﻐﺎﻥ ﻣﻪﺳﯩﻠﻪ . ﺗﻪﻳﯟﻩﻥ ﻣﻪﺳﯩﻠﯩﺴﯩﻨﻰ ﮬﻪﻝ ﻗﯩﻠﯩﭗ ، ﯞﻩﺗﻪﻧﻨﻰ ﺑﯩﺮﻟﯩﻜﻜﻪ ﻛﻪﻟﺘﯜﺭﯛﺵ ﺟﯘﯕﮕﻮﻧﯩﯔ ﺋﯩﭽﻜﻰ ﺋﯩﺸﻰ ، ﮬﻪﺭ ﻗﺎﻧﺪﺍﻕ ﭼﻪﺕ ﺋﻪﻝ ﻛﯜﭼﻠﯩﺮﻯ ﺋﺎﺭﯨﻠﯩﺸﺎﻟﻤﺎﻳﺪﯗ . 4 - ﻣﺎﺩﺩﺍ . ﯞﻩﺗﻪﻧﻨﻰ ﺑﯩﺮﻟﯩﻜﻜﻪ ﻛﻪﻟﺘﯜﺭﯛﺵ ﺋﯘﻟﯘﻏﯟﺍﺭ ﺋﯩﺸﯩﻨﻰ ﺋﻮﺭﯗﻧﺪﺍﺵ ﺗﻪﻳﯟﻩﻧﻠﯩﻚ ﻗﯧﺮﯨﻨﺪﺍﺷﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﭘﯜﺗﯜﻥ ﺟﯘﯕﮕﻮ ﺧﻪﻟﻘﯩﻨﯩﯔ ﻣﯘﻗﻪﺩﺩﻩﺱ ﺑﯘﺭﭼﻰ .

5 - ﻣﺎﺩﺩﺍ . ﺑﯩﺮ ﺟﯘﯕﮕﻮ ﭘﺮﯨﻨﺴﯩﭙﯩﺪﺍ ﭼﯩﯔ ﺗﯘﺭﯗﺵ ﺩﯙﻟﻪﺗﻨﻰ ﺗﯩﻨﭻ ﺑﯩﺮﻟﯩﻜﻜﻪ ﻛﻪﻟﺘﯜﺭﯛﺷﻨﯩﯔ ﺋﺎﺳﺎﺳﻰ . ﺩﯙﻟﻪﺗﻨﻰ ﺗﯩﻨﭻ ﺑﯩﺮﻟﯩﻜﻜﻪ ﻛﻪﻟﺘﯜﺭﯛﺵ ﺗﻪﻳﯟﻩﻥ ﺑﻮﻏﯘﺯﯨﻨﯩﯔ ﺋﯩﻜﻜﻰ ﻗﯩﺮﻏﯩﻘﯩﺪﯨﻜﻰ ﻗﯧﺮﯨﻨﺪﺍﺷﻼﺭﻧﯩﯔ ﺗﯜﭖ ﻣﻪﻧﭙﻪﺋﻪﺗﯩﮕﻪ ﺋﻪﯓ ﺋﯘﻳﻐﯘﻥ . ﺩﯙﻟﻪﺕ ﯞﻩﺗﻪﻧﻨﻰ ﺋﻪﯓ ﺯﻭﺭ ﺳﻪﻣﯩﻤﯩﻴﻪﺕ ، ﺋﻪﯓ ﺯﻭﺭ ﺗﯩﺮﯨﺸﭽﺎﻧﻠﯩﻖ ﺑﯩﻠﻪﻥ ﺗﯩﻨﭻ ﺑﯩﺮﻟﯩﻜﻜﻪ ﻛﻪﻟﺘﯜﺭﯨﺪﯗ . ﺩﯙﻟﻪﺕ ﺗﯩﻨﭻ ﺑﯩﺮﻟﯩﻜﻜﻪ ﻛﻪﻟﮕﻪﻧﺪﯨﻦ ﻛﯧﻴﯩﻦ ، ﺗﻪﻳﯟﻩﻥ ﭼﻮﯓ ﻗﯘﺭﯗﻗﻠﯘﻗﻨﯩﯖﻜﯩﮕﻪ ﺋﻮﺧﺸﯩﻤﺎﻳﺪﯨﻐﺎﻥ ﺗﯜﺯﯛﻣﻨﻰ ﻳﻮﻟﻐﺎ ﻗﻮﻳﺴﺎ ، ﻳﯜﻛﺴﻪﻙ ﺋﺎﭘﺘﻮﻧﻮﻣﯩﻴﯩﻨﻰ ﻳﯜﺭﮔﯜﺯﺳﻪ ﺑﻮﻟﯩﺪﯗ .

6 - ﻣﺎﺩﺩﺍ . ﺩﯙﻟﻪﺕ ﺗﯚﯞﻩﻧﺪﯨﻜﻰ ﺗﻪﺩﺑﯩﺮﻟﻪﺭﻧﻰ ﻗﻮﻟﻠﯩﻨﯩﭗ ﺗﻪﻳﯟﻩﻥ ﺑﻮﻏﯘﺯﻯ ﺭﺍﻳﻮﻧﯩﻨﯩﯔ ﺗﯩﻨﭽﻠﯩﻘﻰ ﯞﻩ ﻣﯘﻗﯩﻤﻠﯩﻘﯩﻨﻰ ﺳﺎﻗﻼﻳﺪﯗ ، ﺋﯩﻜﻜﻰ ﻗﯩﺮﻏﺎﻕ ﻣﯘﻧﺎﺳﯩﯟﯨﺘﯩﻨﻰ ﺭﺍﯞﺍﺟﻼﻧﺪﯗﺭﯨﺪﯗ :

(1) ﺋﯩﻜﻜﻰ ﻗﯩﺮﻏﺎﻗﺘﯩﻜﯩﻠﻪﺭﻧﯩﯔ ﺑﺎﺭﺩﻯ - ﻛﻪﻟﺪﻯ ﻗﯩﻠﯩﭗ ﭼﯜﺷﯩﻨﯩﺸﻨﻰ ﻛﯜﭼﻪﻳﺘﯩﺸﯩﮕﻪ ، ﺋﯩﺸﻪﻧﭽﯩﺴﯩﻨﻰ ﺋﺎﺷﯘﺭﯗﺷﯩﻐﺎ ﺋﯩﻠﮭﺎﻡ ﺑﯧﺮﯨﺪﯗ ﯞﻩ ﺗﯜﺭﺗﻜﻪ ﺑﻮﻟﯩﺪﯗ ؛

(2) ﺋﯩﻜﻜﻰ ﻗﯩﺮﻏﺎﻗﻨﯩﯔ ﺋﯩﻘﺘﯩﺴﺎﺩﯨﻲ ﺟﻪﮬﻪﺗﺘﻪ ﺋﺎﻻﻗﻪ ﻗﯩﻠﯩﭗ ﯞﻩ ﮬﻪﻣﻜﺎﺭﻟﯩﺸﯩﭗ ، ﺑﯩﯟﺍﺳﯩﺘﻪ ﭘﻮﭼﺘﺎ ﺋﺎﻻﻗﯩﺴﻰ ، ﺳﻮﺩﺍ ﺋﺎﻻﻗﯩﺴﯩﻨﻰ ﻳﻮﻟﻐﺎ ﻗﻮﻳﯘﺷﯩﻐﺎ ، ﺋﯩﻜﻜﻰ ﻗﯩﺮﻏﺎﻗﻨﯩﯔ ﺋﯩﻘﺘﯩﺴﺎﺩﯨﻲ ﻣﯘﻧﺎﺳﯩﯟﯨﺘﯩﻨﻰ ﻗﻮﻳﯘﻗﻼﺷﺘﯘﺭﯗﺷﯩﻐﺎ ، ﺋﯚﺯﺋﺎﺭﺍ ﻣﻪﻧﭙﻪﺋﻪﺕ ﻳﻪﺗﻜﯜﺯﯛﺷﯩﮕﻪ ﺋﯩﻠﮭﺎﻡ ﺑﯧﺮﯨﺪﯗ ﯞﻩ ﺗﯜﺭﺗﻜﻪ ﺑﻮﻟﯩﺪﯗ ؛ (3) ﺋﯩﻜﻜﻰ ﻗﯩﺮﻏﺎﻗﻨﯩﯔ ﻣﺎﺋﺎﺭﯨﭗ ، ﭘﻪﻥ - ﺗﯧﺨﻨﯩﻜﺎ ، ﻣﻪﺩﻩﻧﯩﻴﻪﺕ ، ﺳﻪﮬﯩﻴﻪ ، ﺗﻪﻧﺘﻪﺭﺑﯩﻴﻪ ﺋﯩﺸﻠﯩﺮﯨﺪﺍ ﺋﺎﻻﻗﻪ ﻗﯩﻠﯩﭗ ، ﺟﯘﯕﺨﯘﺍ ﻣﻪﺩﻩﻧﯩﻴﯩﺘﯩﻨﯩﯔ ﺋﯧﺴﯩﻞ ﺋﻪﻧﺌﻪﻧﯩﺴﯩﻨﻰ ﺋﻮﺭﺗﺎﻕ ﺟﺎﺭﻯ ﻗﯩﻠﺪﯗﺭﯗﺷﯩﻐﺎ ﺋﯩﻠﮭﺎﻡ ﺑﯧﺮﯨﺪﯗ ﯞﻩ ﺗﯜﺭﺗﻜﻪ ﺑﻮﻟﯩﺪﯗ ؛

(4) ﺋﯩﻜﻜﻰ ﻗﯩﺮﻏﺎﻗﻨﯩﯔ ﺟﯩﻨﺎﻳﻰ ﺋﯩﺸﻼﺭﻏﺎ ﺑﯩﺮﻟﯩﻜﺘﻪ ﺯﻩﺭﺑﻪ ﺑﯧﺮﯨﺸﯩﮕﻪ ﺋﯩﻠﮭﺎﻡ ﺑﯧﺮﯨﺪﯗ ﯞﻩ ﺗﯜﺭﺗﻜﻪ ﺑﻮﻟﯩﺪﯗ ؛

(5) ﺗﻪﻳﯟﻩﻥ ﺑﻮﻏﯘﺯﻯ ﺭﺍﻳﻮﻧﯩﻨﯩﯔ ﺗﯩﻨﭽﻠﯩﻘﻰ ، ﻣﯘﻗﯩﻤﻠﯩﻘﯩﻨﻰ ﻗﻮﻏﺪﺍﺵ ﯞﻩ ﺋﯩﻜﻜﻰ ﻗﯩﺮﻏﺎﻕ ﻣﯘﻧﺎﺳﯩﯟﯨﺘﯩﻨﻰ ﺭﺍﯞﺍﺟﻼﻧﺪﯗﺭﯗﺷﻘﺎ ﭘﺎﻳﺪﯨﻠﯩﻖ ﺑﺎﺷﻘﺎ ﭘﺎﺋﺎﻟﯩﻴﻪﺗﻠﻪﺭﮔﻪ ﺋﯩﻠﮭﺎﻡ ﺑﯧﺮﯨﺪﯗ ﯞﻩ ﺗﯜﺭﺗﻜﻪ ﺑﻮﻟﯩﺪﯗ .

ﺩﯙﻟﻪﺕ ﺗﻪﻳﯟﻩﻧﻠﯩﻚ ﻗﯧﺮﯨﻨﺪﺍﺷﻼﺭﻧﯩﯔ ﮬﻮﻗﯘﻗﻰ ﯞﻩ ﻣﻪﻧﭙﻪﺋﻪﺗﯩﻨﻰ ﻗﺎﻧﯘﻥ ﺑﻮﻳﯩﭽﻪ ﻗﻮﻏﺪﺍﻳﺪﯗ .

7 - ﻣﺎﺩﺩﺍ . ﺩﯙﻟﻪﺕ ﺗﻪﻳﯟﻩﻥ ﺑﻮﻏﯘﺯﯨﻨﯩﯔ ﺋﯩﻜﻜﻰ ﻗﯩﺮﻏﯩﻘﯩﻨﯩﯔ ﺑﺎﺭﺍﯞﻩﺭ ﻛﯧﯖﯩﺸﯩﭗ ﯞﻩ ﺳﯚﮬﺒﻪﺗﻠﯩﺸﯩﭗ ، ﺗﯩﻨﭻ ﺑﯩﺮﻟﯩﻜﻜﻪ ﻛﯧﻠﯩﺸﯩﻨﻰ ﺗﻪﺷﻪﺑﺒﯘﺱ ﻗﯩﻠﯩﺪﯗ . ﻛﯧﯖﻪﺵ ﯞﻩ ﺳﯚﮬﺒﻪﺕ ﻗﻪﺩﻩﻡ - ﺑﺎﺳﻘﯘﭼﻠﯘﻕ ، ﺧﯩﻠﻤﯘ ﺧﯩﻞ ، ﺟﺎﻧﻠﯩﻖ ﺑﻮﻟﺴﺎ ﺑﻮﻟﯩﺪﯗ .

ﺗﻪﻳﯟﻩﻥ ﺑﻮﻏﯘﺯﯨﻨﯩﯔ ﺋﯩﻜﻜﻰ ﻗﯩﺮﻏﯩﻘﻰ ﺗﯚﯞﻩﻧﺪﯨﻜﻰ ﺋﯩﺸﻼﺭﺩﺍ ﻛﯧﯖﻪﺷﺴﻪ ﯞﻩ ﺳﯚﮬﺒﻪﺗﻠﻪﺷﺴﻪ ﺑﻮﻟﯩﺪﯗ :

(1) ﺋﯩﻜﻜﻰ ﻗﯩﺮﻏﺎﻗﻨﯩﯔ ﺩﯛﺷﻤﻪﻧﻠﯩﺸﯩﭗ ﺗﯘﺭﯗﺷﯩﻐﺎ ﺭﻩﺳﻤﯩﻲ ﺧﺎﺗﯩﻤﻪ ﺑﯧﺮﯨﺶ ؛

(2) ﺋﯩﻜﻜﻰ ﻗﯩﺮﻏﺎﻕ ﻣﯘﻧﺎﺳﯩﯟﯨﺘﯩﻨﻰ ﺭﺍﯞﺍﺟﻼﻧﺪﯗﺭﯗﺵ ﭘﯩﻼﻧﻰ ؛

(3) ﺗﯩﻨﭻ ﺑﯩﺮﻟﯩﻜﻜﻪ ﻛﯧﻠﯩﺶ ﻗﻪﺩﻩﻡ - ﺑﺎﺳﻘﯘﭼﻰ ﯞﻩ ﺋﻮﺭﯗﻧﻼﺷﺘﯘﺭﯗﺷﻰ ؛

(4) ﺗﻪﻳﯟﻩﻥ ﺩﺍﺋﯩﺮﯨﻠﯩﺮﯨﻨﯩﯔ ﺳﯩﻴﺎﺳﯩﻲ ﺋﻮﺭﻧﻰ ؛

(5) ﺗﻪﻳﯟﻩﻥ ﺭﺍﻳﻮﻧﯩﻨﯩﯔ ﺧﻪﻟﻘﺌﺎﺭﺍﺩﯨﻜﻰ ﺋﯚﺯ ﺋﻮﺭﻧﯩﻐﺎ ﻻﻳﯩﻖ ﮬﻪﺭﯨﻜﻪﺕ ﻣﺎﻛﺎﻧﻰ ؛

(6) ﺗﯩﻨﭻ ﺑﯩﺮﻟﯩﻜﻜﻪ ﻛﯧﻠﯩﺸﻜﻪ ﺋﺎﻻﻗﯩﺪﺍﺭ ﺑﺎﺷﻘﺎ ﮬﻪﺭ ﻗﺎﻧﺪﺍﻕ ﻣﻪﺳﯩﻠﻪ .

8 - ﻣﺎﺩﺩﺍ . << ﺗﻪﻳﯟﻩﻥ ﻣﯘﺳﺘﻪﻗﯩﻠﻠﯩﻘﻰ >> ﺑﯚﻟﮕﯜﻧﭽﻰ ﻛﯜﭼﻠﯩﺮﻯ ﺗﻪﻳﯟﻩﻧﻨﻰ ﮬﻪﺭ ﻗﺎﻧﺪﺍﻕ ﻧﺎﻡ ، ﮬﻪﺭ ﻗﺎﻧﺪﺍﻕ ﺋﯘﺳﯘﻝ ﺑﯩﻠﻪﻥ ﺟوﯕﮕۇﺩﯨﻦ ﺑﯚﻟﯜﯞﯦﺘﯩﺪﯨﻐﺎﻥ ﺋﯩﺸﻨﻰ ﻗﯩﻠﺴﺎ ﻳﺎﻛﻰ ﺗﻪﻳﯟﻩﻧﻨﯩﯔ ﺟﯘﯕﮕﻮﺩﯨﻦ ﺑﯚﻟﯜﻧﯜﭖ ﭼﯩﻘﯩﺸﯩﻐﺎ ﺳﻪﯞﻩﺏ ﺑﻮﻟﯩﺪﯨﻐﺎﻥ ﺯﻭﺭ ﯞﻩﻗﻪ ﻳﯜﺯ ﺑﻪﺭﺳﻪ ﯞﻩ ﻳﺎﻛﻰ ﺗﯩﻨﭻ ﺑﯩﺮﻟﯩﻜﻜﻪ ﻛﯧﻠﯩﺸﻜﻪ ﺯﺍﺩﻯ ﺋﯩﻤﻜﺎﻧﯩﻴﻪﺕ ﻗﺎﻟﻤﯩﺴﺎ ، ﺩﯙﻟﻪﺕ ﻧﺎﺋﯩﻼﺝ ﺗﯩﻨﭽﻠﯩﻘﺘﯩﻦ ﺑﺎﺷﻘﺎ ﺋﯘﺳﯘﻝ ﯞﻩ ﺑﺎﺷﻘﺎ ﺯﯙﺭﯛﺭ ﺗﻪﺩﺑﯩﺮ ﻗﻮﻟﻠﯩﻨﯩﭗ ، ﺩﯙﻟﻪﺗﻨﯩﯔ ﺋﯩﮕﯩﻠﯩﻚ ﮬﻮﻗﯘﻗﻰ ﯞﻩ ﺯﯦﻤﯩﻦ ﭘﯜﺗﯜﻧﻠﯜﻛﯩﻨﻰ ﻗﻮﻏﺪﺍﻳﺪﯗ .

ﺋﺎﻟﺪﯨﻨﻘﻰ ﺗﺎﺭﻣﯩﻘﺘﯩﻜﻰ ﺑﻪﻟﮕﯩﻠﯩﻤﻪ ﺑﻮﻳﯩﭽﻪ ﺗﯩﻨﭽﻠﯩﻘﺘﯩﻦ ﺑﺎﺷﻘﺎ ﺋﯘﺳﯘﻝ ﯞﻩ ﺑﺎﺷﻘﺎ ﺯﯙﺭﯛﺭ ﺗﻪﺩﺑﯩﺮ ﻗﻮﻟﻠﯩﻨﯩﺸﻨﻰ ﮔﻮﯞﯗﻳﯜﻩﻥ ، ﻣﻪﺭﻛﯩﺰﯨﻲ ﻛﻮﻣﯩﺘﯧﺖ ﻗﺎﺭﺍﺭ ﻗﯩﻠﯩﺪﯗ ﯞﻩ ﻳﻮﻟﻐﺎ ﻗﻮﻳﯩﺪﯗ ﮬﻪﻣﺪﻩ ﻣﻪﻣﻠﯩﻜﻪﺗﻠﯩﻚ ﺧﻪﻟﻖ ﻗﯘﺭﯗﻟﺘﯩﻴﻰ ﺩﺍﺋﯩﻤﯩﻲ ﻛﻮﻣﯩﺘﯧﺘﯩﻐﺎ ﯞﺍﻗﺘﯩﺪﺍ ﺩﻭﻛﻼﺕ ﻗﯩﻠﯩﺪﯗ . 9 - ﻣﺎﺩﺩﺍ . ﻣﯘﺷﯘ ﻗﺎﻧﯘﻧﺪﯨﻜﻰ ﺑﻪﻟﮕﯩﻠﯩﻤﻪ ﺑﻮﻳﯩﭽﻪ ﺗﯩﻨﭽﻠﯩﻘﺘﯩﻦ ﺑﺎﺷﻘﺎ ﺋﯘﺳﯘﻝ ﯞﻩ ﺑﺎﺷﻘﺎ ﺯﯙﺭﯛﺭ ﺗﻪﺩﺑﯩﺮ ﻗﻮﻟﻼﻧﻐﺎﻥ ﮬﻪﻡ ﺋﯘﻧﻰ ﻳﻮﻟﻐﺎ ﻗﻮﻳﻐﺎﻧﺪﺍ ، ﺩﯙﻟﻪﺕ ﺗﻪﻳﯟﻩﻥ ﭘﯘﻗﺮﺍﻟﯩﺮﯨﻨﯩﯔ ﯞﻩ ﺗﻪﻳﯟﻩﻧﺪﯨﻜﻰ ﭼﻪﺕ ﺋﻪﻟﻠﯩﻜﻠﻪﺭﻧﯩﯔ ﮬﺎﻳﺎﺗﻰ ، ﻣﺎﻝ - ﻣﯜﻟﻜﯩﻨﯩﯔ ﺑﯩﺨﻪﺗﻪﺭﻟﯩﻜﻰ ﯞﻩ ﺑﺎﺷﻘﺎ ﻳﻮﻟﻠﯘﻕ ﮬﻮﻗﯘﻕ - ﻣﻪﻧﭙﻪﺋﻪﺗﯩﻨﻰ ﺋﯩﻤﻜﺎﻧﯩﻴﻪﺗﻨﯩﯔ ﺑﺎﺭﯨﭽﻪ ﻗﻮﻏﺪﺍﭖ ، ﺯﯨﻴﺎﻧﻨﻰ ﺋﺎﺯﺍﻳﺘﯩﺪﯗ ، ﺷﯘﻧﯩﯔ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ ، ﺩﯙﻟﻪﺕ ﺗﻪﻳﯟﻩﻧﻠﯩﻚ ﻗﯧﺮﯨﻨﺪﺍﺷﻼﺭﻧﯩﯔ ﺟﯘﯕﮕﻮﻧﯩﯔ ﺑﺎﺷﻘﺎ ﺭﺍﻳﻮﻧﻠﯩﺮﯨﺪﯨﻜﻰ ﮬﻮﻗﯘﻗﻰ ﯞﻩ ﻣﻪﻧﭙﻪﺋﻪﺗﯩﻨﻰ ﻗﺎﻧﯘﻥ ﺑﻮﻳﯩﭽﻪ ﻗﻮﻏﺪﺍﻳﺪﯗ .

10 - ﻣﺎﺩﺩﺍ . ﺑﯘ ﻗﺎﻧﯘﻥ ﺋﯧﻼﻥ ﻗﯩﻠﯩﻨﻐﺎﻥ ﻛﯜﻧﺪﯨﻦ ﺑﺎﺷﻼﭖ ﻳﻮﻟﻐﺎ ﻗﻮﻳﯘﻟﯩﺪﯗ .