شىئە ياكى شىئەلىك (ئەرەبچە: الشيعة، ڧارسچە: شیعه)، ئىسلام مەزھەبلىرىدىن بىرىدۇر. شىئە ئىسلام ياكى شىئە مەزھىبى دەپمۇ ئاتىلىدۇ. مەنسۇبلىرىغا شىئە ياكى شىئەلەر دېيىلىدۇ. سۇننىيلىكتىن سوڭرە كېلىدىغان ئىككىنچى چوڭ مەزھەبدۇر. سۇننىيلەر 83% بولسا، شىئەلەر 15% مۇسۇلمانلارنى تەشكىل قىلماقتا. قالغان 2% لىك قىسمى بولسا خارىجىيە دېگەندەك مەزھەبلەرگە مەنسۇب بولغانلارنى كۆرسەتمەكتە. شىئە كەلىمىسى، جاڧەرىيلىك بىلەن تەڭداش مەنىدە قوللىنىلماقتا. ھالبۇكى شىئە ياكى شىئەلەر خىلاڧەت ياكى ئىمامەت مەسىلىسىدە تارىخىي نوقتىدىن "ئەلىگە يانداش كىشىلەر" مەنسىگە كەلمەكتە. دەستلەپكى دەۋىرلەردىكى بۇ ئايرىلىش كېيىنكى دەۋىردە ئۆزى نەزىرىيىلىك ئاساسىنى تەشكىل قىلىپ مەزھەبلەشتۈرۈلگەن.
