ئىستانبۇل تېخنىكا ئۇنىۋېرسىتېتى
ئىستانبۇل تېخنىكا ئۇنىۋېرسىتېتى (تۈركچە: İstanbul Teknik Üniversitesi، ئىنگىلىزچە: Istanbul Technical University، ئادەتتە ITU ۋە ياكى İTÜ ئىسمى بىلەن بىلىنىدۇ ) تۈركىيەدىكى داڭلىق ئالىي بىلىم يۇرتلىرىدىن بىرىدۇر. 1773 - يىلى ئىستانبۇلدا قۇرۇلغان بۇ بىلىم يۇرتى، يالغۇز تۈركىيەدىكى ئەڭ كونا ئالىي بىلىم يۇرتلىرىدىن بولۇپلا قالماي، دۇنيادىكى ئەڭ قەدىمىي ئالىي بىلىم يۇرتلىرىدىن بىرىدۇر.
قىسقىچە مەلۇمات
تەھرىرلەش- مەكتەپ شوئارى: (تۈركچە: Asırlardır Çağdaş، ئۇيغۇرچە: ھەردائىم زامانىۋىي)
- ئوقۇغۇچى سانى: 22،280
- تولۇق كۇرس ئوقۇغۇچىلىرى: 14،955
- ماگىستىر ۋە دوكتور ئاسپرانتى: 5،887
- ئوقۇتقۇچى(توپلام): 1990
- پروڧېسسور: 404
- ئورنى: ئىستانبۇل، تۈركىيە
- تور ئادرىسى:ئىستانبۇل تېخنىكا ئۇنۋېرسىتېتى
قىسقىچە تارىخى
تەھرىرلەشقۇرۇلغىنىدىن بېرى ، تەبئىي پەن ۋە ئىنژىنىرلىق ساھەسىدە مۇھىم رول ئويناپ كېلىۋاتقان ئىستانبۇل تېخنىكا ئۇنىۋېرسىتېتى ، 1773 - يىلى ئوسمان ئىمپېرىيىسىنىڭ پادىشاھى مۇستاپا III تەرىپىدىن ، ھەربىي كېمىسازلىقنى راۋاجلاندۇرۇش مەقسىتىدە ئىمپىرىيە دېڭىز ئارمىيە ئىنژىنىرلىق مەكتىپى (ئوسمانلى تۈركچىسىدە:Mühendishane-i Bahr-i Hümayun) ئىسمى بىلەن ئوسمان ئىمپېرىيىسىنىڭ پايتەختى ئىستانبۇلدا قۇرۇلغان. 1845 - يىلىغا كەلگەندە ، بۇ مەكتەپ يالغۇز دېڭىزچىلىق تېخنىكا بىلىملىرى بىلەنلا قالماي ، باشقا تېخنىكا پەنلىرىگىچە كېڭەيگەن.
ئىستانبۇل تېخنىكا ئۇنىۋېرسىتېتى ھازىر ئىنژىنىرلىق - قۇرۇلۇش كەسىپلىرىنى ئاساس قىلغان بىر سانائەت مەكتىپىدۇر. بۇ بىلىم يۇرتىنىڭ ماشىنىسازلىق، بىناكارلىق قۇرۇلۇشى، ئۇچۇش ۋە ئالەم سانائىتى، ئېلىكتىر ئىنژىنىرلىقى، مۇزىكا سەنئىتى قاتارلىق كەسپلىرى تۈركىيە بويىچە ئالدىنقى قاتاردا تۇرىدۇ.
ئىستانبۇل تېخنىكا ئۇنىۋېرسىتېتى يالغۇز تەبئىي پەن ۋە ئىنژىنىرلىق ساھەسىدە مۇھىم ئەربابلارنى يېتىشتۈرۈپ چىقىرىپلا قالماي، تۈركىيە يېقىنقى زامان سىياسى تارىخىدىكى بەزى داڭلىق شەخسلەرنىڭمۇ ئانا مەكتىپى بولۇش شەرىپىنىمۇ قولدىن بەرمىگەن. تۈركىيە پرىزدېنتلىرىدىن تۇرغۇت ئۆزال، سۇلايمان دېمىرەل، نەجمەتتىن ئەرباقانلار بۇ مەكتەپنىڭ ئوقۇغۇچىلىرى ئىدى.
| Wikimedia Commons has media related to: Category:Istanbul Technical University |
مەنبەلەر
تەھرىرلەش
|
بۇ ماددا بىر دەسلەپكى نۇسخىدۇر، بۇ ماددىنى كېڭەيتىش ياكى ئالاھىدە دەسلەپكى نۇسخا قېلىپلىردىن بىرنى قويۇپ ۋىكىپېدىيەگە توھپە قوشالايسىز. |