جاي يېزىسى
جاي يېزىسى كېرىيە ناھىيىسى گە جايلاشقان. غەربتە سىيەك يېزىسى بىلەن تۇتىشىدۇ، جەنۇب تەرىپى كۆكيار يېزىسى بىلەن تۇتىشىدۇ، شىمالدا بوستان شاللىق رايونى بىلەن چېگرىلىنىدۇ. شەرقتىن غەربكە كەڭلىكى بەش كىلومېتىر، جەنۇبتىن شىمالغا ئۇزۇنلۇقى سەككىز كىلومېتىر، ئومۇمىي كۆلىمى 28 كۋادرات كىلومېتىر كېلىدۇ. يەر تۈزۈلۈشى غەربى ئېگىز، غەربىي شىمالدىن شەرقىي جەنۇپقا قىيپاش كېلىدۇ، تۇپرىقى مۇنبەت، دېڭىز يۈزىدىن ئوتتۇرىچە ئېگىزلىكى 1420 مېتىر كېلىدۇ.
| جاي يېزىسى
加依乡.Jay town | |
.png) | |
| مەمۇرىي رايون شەكلى | يېزا |
| ئاپتونوم رايون | شىنجاڭ ئۇيغۇر ئاپتونوم رايونى |
| ۋىلايەت | خوتەن ۋىلايىتى |
| ناھىيە | كېرىيە ناھىيىسى |
| مىللەتلەر | ئۇيغۇر |
| تىللار | ئۇيغۇرچە |
| كەنت سانى | 13 دانە |
| نوپۇس | 18 مىڭ |
| يەر مەيدانى | 28 كۋادرات كىلومېتىر |
| ۋاقىت رايونى | UTC+6 |
| تېلېفون رايون نومۇرى | 903(0)86+ |
| ماشىنا تاختا نومۇرى | 新R |
| تور بېكەت | كېرىيە ناھىيىلىك خەلق ھۆكۈمىتى تورى |
كىلىماتى تەھرىرلەش
ھاۋا كىلىماتى ئىللىق، قۇرغاق، يىللىق ئوتتۇرىچە ھۆل-يېغىن مىقدارى 45.8 مىللىمېتىر، سۇنىڭ يىللىق پارغا ئايلىنىش مىقدارى 2479.8 مىللىمېتىر. يىللىق ئوتتۇرىچە تېمپېراتۇرىسى ℃11.6، ئەڭ تۆۋەن تېمپېراتۇرا ℃24.3-، 7-ئايدىكى ئەڭ يۇقىرى تېمپېراتۇرىسى ℃41.2، قىروسىز مەزگىلى 213 كۈن، يىللىق قۇم-بوران 150 كۈن ئەتراپىدا، ئادەتتە شامال كۈچى 5 بال، ئەڭ چوڭ شامال كۈچى 10 بالغا يېتىدۇ.
ئىقتىسادى تەھرىرلەش
يېزا بويىچە دېھقانچىلىق ئاساس قىلىنىدۇ، بۇغداي، قوناق، كېۋەز قاتارلىق زىرائەتلەر تېرىلىدۇ. بۇ يېزىنىڭ كېرىيە ناھىيەسى بازىرى بىلەن بولغان ئارىلىقى بىر قەدەر يېقىن، ئادەم كۆپ، يەر ئاز، بىر قەدەر كۆپ دېھقانلار كۆكتات سودىسىغا تايىنىدۇ.