يېڭىباغ يېزىسى

يېڭىباغ يېزىسى كېرىيە ناھىيەلىك ھۆكۈمەتنىڭ شەرقىي شىمالىغا جايلاشقان بولۇپ،كېرىيە ناھىيەسى بازىرى بىلەن بولغان ئارىلىقى 11.77 كىلومېتر كېلىدۇ. جەنۇبتا مۇغاللا بازىرى بىلەن تۇتىشىدۇ، شەرقىي تەرىپى ئويتاغ يېزىسى بىلەن تۇتىشىدۇ، غەربتە دېھقانچىلىق مەيدانى بار. جەنۇبتىن شىمالغا ئۇزۇنلۇقى 82 كىلومېتر، شەرقتىن غەربكە كەڭلىكى 53.5 كىلومېتىر، كۆلىمى 4333.8 كۋادرات كىلومېتىر كېلىدۇ، يەر شەكلى جەنۇبتىن شىمالغا سوزۇلغان، دېڭىز يۈزىدىن ئوتتۇرىچە ئېگىزلىكى 1361.5 مېتىر كېلىدۇ.

يېڭىباغ يېزىسى 英巴格乡.Yëngibagh town
كېرىيە ناھىيىسىنىڭ خەرىتىدىكى ئورنى
مەمۇرىي رايون شەكلى	يېزا
ئاپتونوم رايون	شىنجاڭ ئۇيغۇر ئاپتونوم رايونى
ۋىلايەت	خوتەن ۋىلايىتى
ناھىيە	كېرىيە ناھىيىسى
مىللەتلەر	ئۇيغۇر
تىللار	ئۇيغۇرچە
كەنت سانى	12 دانە
نوپۇس	9 مىڭ
يەر مەيدانى	4,333.8 كۋادرات كىلومېتىر
ۋاقىت رايونى	UTC+6
تېلېفون رايون نومۇرى	903(0)86+
ماشىنا تاختا نومۇرى	新R
تور بېكەت	كېرىيە ناھىيىلىك خەلق ھۆكۈمىتى تورى

كىلىماتى

يېڭىباغ يېزىسى تەكلىماكان قۇملۇقى نىڭ جەنۇبىي چېتىگە جايلاشقان، مۆتىدىل بەلباغ قۇرۇقلۇق تىپىدىكى قۇرغاق كىلىماتقا كىرىدۇ، يىل بويى قۇرغاق، يامغۇر ئاز ياغىدۇ، يىللىق ئوتتۇرىچە ھۆل-يېغىن مىقدارى 458 مىللىمېتىر، يىللىق ئوتتۇرىچە پارغا ئايلىنىش مىقدارى 2479.8 مىللىمېتىر. يىللىق ئوتتۇرىچە تېمپېراتۇرىسى ℃11.6، 1-ئايدىكى ئەڭ تۆۋەن تېمپېراتۇرىسى℃24.3-، 7-ئايدىكى ئەڭ يۇقىرى تېمپېراتۇرىسى℃41.2. بىر يىلدىكى قىروسىز مەزگىلى 205 ~ 210 كۈن. ئادەتتە شامال كۈچى 5 بال، ئەڭ چوڭ شامال كۈچى 9 بالغا يېتىدۇ. تۇپراقنىڭ شورلىشىشى بىر قەدەر ئېغىر، جۇغراپىيەلىك مۇھىتى ئىنتايىن ناچار.

بايلىقى

• 1. سۇ بايلىقى بىرقەدەر مول، سۇ دائىرىسىنىڭ كۆلىمى بىر قەدەر كەڭ بولۇپ، بىر يەر ئاستى سۈيى بار، چوڭ تىپتىكى سۇ ئامبىرى بار، سۇ ئامبىرىنىڭ ئۇزۇنلۇقى بەش كىلومېتىر كېلىدۇ.
• 2. يېڭىباغ يېزىسىدا سۇ بايلىقى بىر قەدەر مول بولغانلىقتىن، كەڭ كۆلەمدە تەبىئىي قومۇش كۆلى مەۋجۇت، بۇ يېڭىباغ يېزىسىنىڭ قول ھۈنەرۋەنچىلىك تەرەققىياتى ئۈچۈن پايدىلىق شارائىت يارىتىپ بەرگەن.
• 3. يېڭىباغ يېزىسىنىڭ ئارىلىقى قۇملۇققا يېقىن، شۇڭا قۇم بارخانلىقىنىڭ كۆلىمى بىر قەدەر چوڭ، يۇلغۇن، توشقانزەدىكى قاتارلىق ئۆسۈملۈكلەر بار.
• 4. پايدىلىنىشقا بولىدىغان بوز يەر ئېچىش كۆلىمى بىر قەدەر چوڭ بولۇپ، ئومۇمىي ئىقتىسادىي زور.