توخۇلا يېزىسى (قاراقاش ناھىيىسى)


توخۇلا يېزىسى 托胡拉乡.Toxula Town
مەمۇرىي رايون شەكلى	يېزا
ۋىلايەت	خوتەن ۋىلايىتى
ناھىيە	قاراقاش ناھىيىسى
مىللەتلەر	ئۇيغۇر
تىللار	ئۇيغۇرچە
كەنت سانى	11 دانە
نوپۇس	20 مىڭ
تور بېكەت	قاراقاش ناھىيەلىك خەلق ھۆكۈمىتى ئاممىۋى ئۇچۇر تورى

توخۇلا يېزىسى شىنجاڭ ئۇيغۇر ئاپتونوم رايونى خوتەن ۋىلايىتى قاراقاش ناھىيىسى نىڭ ئوتتۇرسىغا جايلاشقان. يېزىلىق ھۆكۈمەتنىڭ تۇرۇشلۇق جايى بازاربويى كەنتى، ناھىيە بازىرىنىڭ شەرقىي جەنۇبى بىلەن بولغان ئارلىقى 6 كىلومېتىر، 315-دۆلەت تاشيولى دائىرىسىنى توغرسىغا كېسىپ ئۆتكەن. شەرقتە جاھانباغ يېزىسى، قاراقاش بازىرى، غەربتەئاقساراي يېزىسى، شىمالدا ماڭلاي يېزىسى بىلەن تۇتاشقان.

مەمۇرىي كەنتلەر

توخۇلا يېزىسىدا 11 دانە كەنت بار بولۇپ، ئۇلار تۆۋەندىكىچە:

1.توخۇلا كەنتى؛
2.بازار بويى كەنتى؛
3.قارمان كەنتى؛
4.تاشكەنت كەنتى؛
5.بۇغۇچ كەنتى؛
6.بارتالا كەنتى؛
7.بورىچى كەنتى؛
8.باش گۆر كەنتى؛
9.ئاياغ گۆر كەنتى؛
10.قاراتام كەنتى؛
11.يېڭىباغ كەنتى؛

ئىقتىساد

2006-يىلى كىشى بېشىغا توغرا كېلىدىغان ساپ كىرىمى 1418.50 يۈەن بولغان. يېزا بويىچە ئاشلىق تېرىلغۇ كۆلىمى 18558 مو، بىرلىك مەھسۇلاتى 457.22 كىلوگرام، ئومۇمىي مەھسۇلاتى 8485 توننا بولغان. بۇنىڭ ئىچىدە بۇغداي تېرىلغۇ كۆلىمى 9900 مو بولۇپ، بىرلىك مەھسۇلاتى 436.97 كىلوگرام، ئومۇمىي مەھسۇلاتى 4326 توننىغا يەتكەن، كۆممىقوناق تېرىلغۇ كۆلىمى 5826 مو بولۇپ، بىرلىك مەھسۇلاتى 468.42 كىلوگرام، ئومۇمىي مەھسۇلاتى 720 توننىغا يەتكەن. شالتېرىلغۇ كۆلىمى 2832 مو بولۇپ، بىرلىك مەھسۇلاتى 504.94 كىلوگرام، ئومۇمىي ھوسۇلى 14300 توننىغا يەتكەن. كېۋەز تېرىلغۇ كۆلىمى 72 مو بولۇپ، بىرلىك مەھسۇلاتى 109.72 كىلوگرام، ئومۇمىي ھوسۇلى 8 توننا (ساپ پاختا) بولغان. يىل ئاخىرىدا قولدا قالغان مال-چارۋا 44053 تۇياق بولغان. ئەلا سورتلۇق ئۆرۈكلۈك 5857 مو، سەرخىل ياڭاقلىق 4246 موغا يەتكەن.