كىلىياڭ يېزىسى

كىلىياڭ يېزىسىگۇما ناھىيىسى بازىرىنىڭ غەربىي جەنۇب قىسمىغا جايلاشقان، گۇما بازىرى بىلەن بولغان ئارىلىقى 45 كىلومېتىر، شەرقىي شىمال قىسمى قوشتاغ بازىرى بىلەن تۇتىشىدۇ، شىمالدا باشلەڭگەر يېزىسىبىلەن قوشنا، جەنۇبى ناۋئابات تاجىك يېزىسى بىلەن تۇتىشىدۇ. كىلىياڭ يېزىسى قارىمىقىدا توققۇز مەمۇرىي كەنت، ئىككى دېھقانچىلىق مەيدانى، 25 كەنت ئاھالىلىرى گۇرۇپپىسى بار. يەر كۆلىمى 21250 مو، تېرىلغۇ يەر كۆلىمى 19470 مو. يەر شەكلىنىڭ غەربىي جەنۇبى ئىگىز، شەرقىي شىمالىي پەس، يەر شەكلى مۇرەككەپ.

كىلىياڭ يېزىسى 克里阳乡.Kiliyang Town
گۇما ناھىيىسىنىڭ خەرىتىدىكى ئورنى
مەمۇرىي رايون شەكلى	يېزا
ئاپتونوم رايون	شىنجاڭ ئۇيغۇر ئاپتونوم رايونى
ۋىلايەت	خوتەن ۋىلايىتى
ناھىيە	گۇما ناھىيىسى
مىللەتلەر	ئۇيغۇر
تىللار	ئۇيغۇرچە
كەنت سانى	9 دانە
نوپۇس	7 مىڭ
تور بېكەت	گۇما ناھىيىلىك خەلق ھۆكۈمىتى تورى

مەمۇرىي كەنتلەر

كىلىياڭ يېزىسىغا قاراشلىق توققۇز كەنت ئاھالە كومىتېتى :

• كىلىياڭ كەنتى؛
• دۆڭكۆل كەنتى؛
• ئاقچىغ كەنتى؛
• يۇلغۇنجاي كەنتى؛
• ئىسپاھان كەنتى؛
• ياكەيچىك كەنتى؛
• قارمان كەنتى؛
• تاختا كۆۋرۈك كەنتى؛
• تۆۋەن چاقا كەنتى قاتارلىقلار.

يېزا ئىگىلىكى

كىلىياڭ يېزىسى كىلىماتى قۇرغاق، تۆت پەسىل ئېنىق، قىش پەسلى ئۇزۇنراق بولىدۇ، ياز پەسلى قىسقا، يېزا ئىگىلىك ئىشلەپچىقىرىشىنى ئاساس قىلىدۇ، ئورمانچىلىق، چارۋىچىلىقنى تۈۋرۈك كەسىپ قىلغان. بۇ يېزا تەۋەسىدە تەرمە، شورلۇق ئوتى، قوي پاخال ۋە قومۇش قاتارلىقلار چىقىدۇ. دەريا جىلغىسىدا كوئېنلۇن ئارچىسى، قىزىل قېيىن قاتارلىق سۇ مەنبەسىنى ساقلاش، تەبىئىي ئورمان، ئەڭ جەنۇبىدىكى تاغلىق رايونلىرىدا، ئېگىز تاغدىكى چىملىق رايونلار بار؛ ئاساسلىق سۆگەت، تېرەك، جىگدە، ياڭاق، ئۆرۈك قاتارلىقلار بار.