يېڭىسار ناھىيىسى

يېڭىسار ناھىيىسى كوئىنلۇن تېغىنىڭ شىمالىي ئېتىكىگە، تارىم ئويمانلىقىنىڭ غەربىي چېتىگە جايلاشقان. شەرق تەرىپى يەكەن ناھىيىسى، يوپۇرغا ناھىيىسى بىلەن، شىمال تەرىپى قەشقەر يېڭىشەھەر ناھىيىسى بىلەن، غەرب، جەنۇب تەرىپى ئاقتو ناھىيىسى بىلەن تۇتىشىدۇ. شەرقتىن غەربكىچە بولغان ئۇزۇنلۇقى تەخمىنەن 90 كىلومېتىر، جەنۇبتىن شىمالغىچە بولغان كەڭلىكى 60 كىلومېتىر. ئومۇمىي يەر مەيدانى 4306.5 كۋادرات كىلومېتىر.

يېڭىسار ناھىيىسى 英吉沙县.Yengisar County
يېڭىسار ناھىيىسى (نومۇرى 4) نىڭ خەرىتىدىكى ئورنى
مەمۇرىي رايون شەكلى	ناھىيە
ئاپتونوم رايون	شىنجاڭ ئۇيغۇر ئاپتونوم رايونى
ۋىلايەت	قەشقەر ۋىلايىتى
مىللەتلەر	ئۇيغۇر
تىللار	ئۇيغۇرچە
بازارلىق سانى	2 دانە
يېزا سانى	12 دانە
نوپۇس	284 مىڭ
يەر مەيدانى	3,420.9 كۋادرات كىلومېتىر
ۋاقىت رايونى	UTC+6
تېلېفون رايون نومۇرى	998(0)86+
ماشىنا تاختا نومۇرى	新Q

ئېتىمولوگىيە

يېڭىسار ئەسلى يەڭى ھىسار بولۇپ، يېڭى قەلئە دېگەن مەنىدە.

يەر تۈزۈلۈشى

غەربىي جەنۇب قىسمى ئېگىز، شەرقىي قىسمى پەس، تاغلىق يەر 32% نى، تۈزلەڭلىك 28.4% نى، چۆللۈك ۋە قۇملۇق 39.6% نى ئىگىلەيدۇ. كۇسەن دەرياسى ۋە ئېگىز يار دەرياسى قاتارلىق دەرياسى بار. يىللىق ئېقىن مىقدارى 712 مىليون كۇب مېتىر. تۈزلەڭلىك رايونلارنىڭ يەر ئاستى سۇ زاپىسى 417 مىليون كۇب مېتىر. ياۋايى ھايۋانات بايلىقىدىن ساي تۈلكىسى، تارىم توشقىنى، ئاق بوغۇز بۆكەن، قىرغاۋۇل. تاغ كەكلىكى قاتارلىقلار بار. ياۋا دورا ئۆسۈملۈك بايلىقىدىن چۈچۈكبۇيا، ئاچچىق ئۆرۈك مېغىزى قاتارلىقلار بار. بايقالغان قېزىلما بايلىقىدىن كۆمۈر، نېفىت، مەرمەر تاش، خرۇستال، گۈڭگۈرت، تۇز، قوغۇشۇن، ھاك تېشى، گەج، شۇلتا قاتارلىقلار بار.

مەمۇرىي رايون

قەشقەر ۋىلايىتى يېڭىسار ناھىيىسى قارمىقىدا 2 بازارلىق ۋە 12 يېزا بار بولۇپ، ئۇلار تۆۋەندىكىچە:

نومۇرى	ئىسمى	ئۇيغۇر لاتىن يېزىقى دا يېزىلىشى	ئىنگلىزچە ئىسمى	خەنزۇچە ئىسمى	مەھەللە/كەنت سانى	نوپۇسى(مىڭ)	يەر مەيدانى(km2)
1	يېڭىسار بازىرى	Yéngisar baziri	Yengisar town	英吉沙镇	9	31.1	6
2	ئۇلۇغچات بازىرى	Ulughchat baziri	Ulughchat town	乌恰镇	27	45	268
3	شەھەر يېزىسى	Sheher yézisi	Sheher town	城关乡	13	13.1	؟
4	ماڭشىن يېزىسى	Mangshin yézisi	Mangshin town	芒辛乡	15	26	؟
5	سىيىتلە يېزىسى	Siyitle yézisi	Siyitle town	色提力乡	10	10.5	109.27
6	يېڭىيەر يېزىسى	Yéngiyer yézisi	Yengiyer town	英也尔乡	10	12.5	؟
7	ساغان يېزىسى	Saghan yézisi	Saghan town	萨罕乡	21	30	؟
8	چولپان يېزىسى	Cholpan yézisi	Cholpan town	乔勒潘乡	13	11.8	59
9	لومپا يېزىسى	Lompa yézisi	Lompa town	龙甫乡	8	6.8	144
10	ئەگۈس يېزىسى	Egüs yézisi	Egus town	艾古斯乡	8	9.5	11.7
11	سۆگەت يېزىسى	Söget yézisi	Soget town	苏盖提乡	14	23.5	19.6
12	توپلۇق يېزىسى	Topluq yézisi	Topluq town	托普鲁克乡	6	14	137.84
13	ئېگىزيەر يېزىسى	Égizyer yézisi	Egizyer town	依格孜也尔乡	4	5	245
14	قىزىل يېزىسى	Qizil yézisi	Qizil town	克孜勒乡	14	25	1,534

ئىزاھات:

• 2016-يىلى 7-ئاينىڭ 13-كۈنى شىنجاڭ ئۇيغۇر ئاپتونوم رايونلۇق خەلق ھۆكۈمىتىنىڭ تەستىقلىشى بىلەن ئەسلىدىكى ئۇلۇغچات يېزىسى ئۇلۇغچات بازىرى بولۇپ قۇرۇلغان.

ئىقلىمى

يېڭىسار ناھىيىسى مۆتىدىل بەلۋاغ قۇرغاق ئىقلىم رايونىغا كىرىدۇ. يىللىق ئوتتۇرىچە تېمپېراتۇرىسى 11.4℃، ئەڭ يۇقىرى تېمپېراتۇرىسى 40.4℃، ئەڭ تۆۋەن تېمپېراتۇرىسى - 24.6℃. كۈننىڭ يىللىق ئوتتۇرىچە چۈشۈش ۋاقتى 2755.2 سائەت. 10℃ جۇغلانما تېمپېراتۇرىسى 4188.3℃. قىروسىز مەزگىلى 214 كۈن. يىللىق ئوتتۇرىچە ھۆل - يېغىن مىقدارى 63.5 مىللىمېتىر. سۇنىڭ پارغا ئايلىنىش مىقدارى 2258.7 مىللىمېتىر.

يېزا ئىگىلىكى

بۇ ناھىيىنىڭ يېزا ئىگىلىكى بىرقەدەر تەرەققىي قىلغان. ھازىر 24 مىڭ 700 گېكتار ( 370 مىڭ 500 مو) تېرىلغۇ يەر، 6700 گېكتار (100 مىڭ 500 مو) ئورمان، 33 مىڭ 600 گېكتار (5 مىليون 450 مىڭ مو) ئوتلاق، 1000 گېكتار ( 15 مىڭ مو) باغ، 5200 گېكتار (78 مىڭ 500 مو) سۇ يۈزى، 386 مىڭ 900 گېكتار (5 مىليون 802 مىڭ 800 مو) دېھقانچىلىققا باب كېلىدىغان قاقاس يەر بار. دېھقانچىلىق مەھسۇلاتلىرىدىن بۇغداي، كۆممىقوناق، كېۋەز، ياغلىقدان، قوغۇن - تاۋۇز، مېۋە - چېۋە، كۆكتات قاتارلىقلار بار. چارۋىچىلىقتا قوي بېقىش ئاساس قىلىنىدۇ. سانائىتىدىن سېمونت، كۆمۈر، ئېلېكتر قۇۋۋىتى، پاختا چىقىرىش، ئاشلىق، ماي، ياغ ۋە مېۋە - چېۋە پىششىقلاپ ئىشلەش قاتارلىقلار بار. يېڭىسار پىچىقى يېڭىسار ناھىيىسىنىڭ ئالاھىدە مەھسۇلاتى. يېڭىسار ناھىيىسىنىڭ ئۇل مۇئەسسەسەلىرى ئۈزلۈكسىز ياخشىلانماقتا. دۆلەت تاشيولى 315 - لىنىيىسى ناھىيە تەۋەسىدىن ئۆتىدۇ. ناھىيە، يېزا تاشيوللىرى ئاسفالىتلاشتۇرۇلغان. يېزا - بازارلاردىكى تېلېفوننىڭ ھەممىسى پروگراممىلاشتۇرۇلدى ۋە سىمسىز چاقىرغۇ ئىشقا كىرىشتۈرۈلدى.

ساياھەتچىلىكى

يېڭىسار ناھىيسىنىڭ دارۋاز مەدەنىيتى ئىنتايىن تەرەققى قىلغان ، ساياھەت نۇقتىللىرىدىن يېڭسار دارۋاز مەكتىپى ، ئەگۈس يېزىسى ئەگۈس بۇلاق بېشى ساياھەت ئارامگاھى ، كەڭ ساي سۇ ئامبىرى ، قارۋاش يېزا شارقىراتما رايۇنى ، يېڭى شەھەر شىمالى كۆل ، شۇنداقلا قارۋاش پىچاقچىلار رايۇنى ساياھەت رايۇنى قاتارلىقلار بار .

زىيالىيلار

ئۆمەر موللا بەرداش